तामाङ सोसाइटी अफ अमेरिकाको अध्यक्षमा तुल बहादुर तामाङ विजयी

न्यूयोर्क । तामाङ सोसाइटी अफ अमेरिकाको अध्यक्षमा तुल बहादुर तामाङ विजयी भएका छन् । सोसाइटीको यही मार्च १६ मा भएको १२ औं अधिवेशनले तामाङको नेतृत्वमा नयाँ कार्यसमिति निर्वाचित गरेको हो । 
नेतृत्व चयनको लागि भएको निर्वाचनमा प्रतिस्पर्धी सम्शेर योन्जनलाई पराजीत गर्दै तुल बहादुर तामाङ अध्यक्ष चयन भएका हुन् । अध्यक्ष पदका प्रत्यासी तामाङले २५४ र योन्जनले २३८ मत ल्याएका थिए । यसैगरी बरिष्ट उपाध्यक्षमा तामाङ पक्षकै सन्तबहादुर तामाङले २४३ मत ल्याएर विजयी हुँदा प्रतिस्पर्धी सुनिल लामाले २३९ मत ल्याएका थिए । यस्तै उपाध्यक्षमा धुतराज तामाङ २४८ मत ल्याएर निर्वाचित हुँदा प्रतिस्पर्धी भीम स्याङदानले २३६ मत ल्याएका थिए । महिला उपाध्यक्षमा भने योन्जन पक्षका उमा तामाङले २४१ मत ल्याएर विजयी हुँदा मैया तामाङले २३७ मत मात्र ल्याएका थिए । 
महासचिवमा चाँदनी लामा २५९ मत सहीत विजयी भएका छन् । उनकी प्रतिद्धन्दी निमा बम्जनले २३० मत ल्याएका थिए । यस्तै सचिवमा २५५ मतले राजु लामा निर्वाचित हुँदा प्रतिद्धन्दी निमा तामाङले भने २२९ मत ल्याएका थिए । यस्तै महिला सचिवमा सोनिया मोक्तान २४१ म्त ल्याई निर्वाचित हुँदा सरस्वती तामाङ २३९ मत ल्याएर पराजीत भएका छन् । 
निर्वाचन परिणाम अनुसार कोषाध्यक्षमा २४६ मत ल्याएर विष्णु तामाङ निर्वाचित भएका छन् भने प्रतिस्पर्धी देवराज तामाङले २३५ मत ल्याएका थिए । यस्तै सह–कोषाध्यक्षमा निरुतारा योन्जन २५० मत ल्याएर विजयी भए भने प्रतिस्पर्धी साङ डुप्पा लामा २३० मत ल्याएका थिए । कार्यसमिति सदस्यमा सानु मोक्तान भने निर्विरोध भएका छन् ।