प्रदिप शाहीको एक्लो– १ को प्रिमियर शो डिसेम्बर २८ मा अमेरिकाको न्यू योर्कमा हुँदै

न्यू योर्क। प्रदिप शाही निर्देशित बैज्ञानिक कल्पनामा आधारित साइ –फाइ थ्रिलर चलचित्र एक्लो– १ को प्रिमियर शो अमेरिकामा हुँदैछ । एनवाइसी नेपाली लाइफस्टायलले यही डिसेम्बर २८ मा न्यू योर्कमा अवस्थित म्युजियम अफ द मुभिङ इमेज क्वीन्समा एक्लो– १ को प्रिमियर शो गर्न लागेको हो । प्रिमियर शो दिउँसो ४ बजेबाट शुरु हुने छ । 

एनवाइसी नेपाली लाइफस्टायलका प्रबन्धक सुनिल मगरले नेपाली चलचित्रका क्षेत्रका लागि एक्लो– १ को प्रिमियर शो न्यू योर्कबाट शुरु हुनु ठुलो उपलब्धी भएको बताए । एनवाइसी नेपाली लाइफस्टायलका प्रबन्धक मगरले नेपाली चलचित्रलाई न्यू योर्कबाट प्रिमियर शो गरेर विश्व सामु लैजाने कोशिष गरेको बताउँदै शो मा उपस्थित भई हौसला प्रदान गर्न र सहयोग गरिदिन अनुरोध गरे । प्रिमियर शो का लागि निर्देशक शाही, नायक प्रदिप खड्का तथा बेलायती कलाकार जेमी बेकन अमरिका आउने भएका छन् । 

प्रिमियर शो अघि रेड कार्पेट तथा शो पछि निर्देशक, नायक तथा कलाकारहरुसँग क्यूएनए सेसन समेत राखिएको छ । प्रिमियर शो पछि एक्लो– १ जनवरी १ बाट विश्वभरी प्रदर्शन गर्ने भएको छ । 

तेश्रो चलचित्रका लागि न्यू योक आउन पाउँदा आफु एकदमै उत्साहित भएको बताउँदै निर्देशक शाहीले नेपाली डायस्पोराका दर्शकको अपार माया र समर्थनले न्यू योर्क आउँदा आफ्नो घर आए जस्तो अनुभव भएको बताए । नेपाली चलचित्रमा नयाँ विधाको खोजको र प्रयासलाई साथ सहयोग गरी प्रिमियरमा उपस्थित भईदिन निर्देशक शाहीले अनुरोध गरेका छन् । 

शो को टिकट अनलाइनमार्फत एभेन्टब्राइटडटकम र गोर्खाली रेष्टुरेन्ट एण्ड बार, फार्जी हिमालयन बार एण्ड ग्रिल, नमस्ते वायरलेस, र सिग्मा प्रिन्ट एण्ड डिजाइनमा फिजिकल टिकट लिन सकिने आयोजकले जनाएको छ । टिकटको मुल्य भिआइपीको लागि सय डलर, साधारण प्रवहको लागि ३० डलर तथा विद्यार्थीका लागि २० डलर तोकिएको छ । 

शाही प्रोडक्सनमा निर्मित तथा नेपालमा छायांकन गरिएको चलचित्र एक्लो–१ मा नायक खड्कासहित बिजय लामा, दिया पुन, कविता नेपाली, बेनिशा हमाल, दिनेश डिसी, सुरजसिंह ठकुरी लगायत विभिन्न कलाकारहरुको अभिनय रहेको छ । शाहीको लेखन तथा निर्देशन रहेको चलचित्रको कार्यकारी निर्माता विनोद सुवेदी क्षितिज हुन् । यो चलचित्रमा भिएफएक्स प्रयोग गरिएको छ । 

शाहीले यसअघि नेपाली वीर गोर्खालीहरुको कथा समेटिएको गोर्खाः  विनिथ द बे्रभरी र अन्तिम संस्कार निर्देशन गरेका थिए । निर्देशक शाही तथा नायक खड्काले यसअघि कान्समा फिल्म फेस्टिबल २०२५ मा सहभागी भई चलचित्रको बारेमा प्रचार गरेका थिए ।