एजेन्सी
14 November 2024, Thursday
न्यूयोर्क । घर तथा अपार्टमेन्ट भाडामा लिँदा भाडावालाले ब्रोकर फी तिर्नु नपर्ने कानून न्यूयोर्क सिटी काउन्सिलमा पारित भएको छ । ब्रोकर फी अन्त्य गर्ने प्रावधान रहेको फेयरनेस इन अपार्टमेन्ट रेन्टल एक्पेन्सेस (फेयर) एक्ट नामक सो विधेयकमाथि बुधबार सिटी काउन्सिलमा भएको मतदानमा ४८ मत सहीत विधेयक पारित भएको हो । विधेयकको विपक्षमा ८ मत परेका थिए ।
पारित विधियक मेयरले प्रमाणित गरेपछि कानून बन्नेछ । यो कानून पारित भएको ६ महिनापछि लागु हुनेछ । यो कानून पारित भएपछि एजेण्टलाई तिर्नुृ पर्नेे ब्रोकर फी भाडावालाले नभई घर वा अपार्टमेन्ट धनीले तिर्नुपर्नेछ । घर तथा अपार्टमेन्ट धनीहरूले भाडावाला खोज्न ब्रोकर नियुक्त गरेका हुन्छन् ।
न्यू योर्क सिटीमा ब्रोकरले वार्षिक भाडाको न्यूनतम १० प्रतिशतदेखि २० प्रतिशतसम्म ब्रोकर फी असुल्ने गरेका छन्। त्यस्तो फी न्यूनतम दुई हजार डलरदेखि २० हजार डलरसम्म हुने गरेको छ । घर जग्गा व्यवसायीहरूले भने यो विधियकको चर्को विरोध गर्दै आएका थिए ।
सिटी काउन्सिल मेम्बर ची ओसेको पहलमा आएको यो विधेयक पारित भएपछि उनले खुशी व्यक्त गरेका छन् । बुधबार सिटी हलमा पत्रकार सम्मेलन गर्दै काउन्सिल मेम्बर ओसेले यो न्यूयोर्कबासीको जीत भएको बताए ।
यता रेन्टल व्यवसायीहरुले भने यो कानून आएपछि घरधनीहरुले भाडा बढाउन सक्ने भन्दै यसबाट भाडावालहरु भ्mन मारमा पर्न सक्ने भन्दै चिन्ता व्यक्त गरेका छन् ।
प्रतिक्रिया